Нов пораз за Металурзите во СЕХА: Мешков Брест доминантен на домашен терен

Металург запиша нов пораз во рамки на регионалната СЕХА лига на гостувањето кај Мешков Брест со 35:30.

Металург во првото полувреме беше одличен противник, но вториот дел се покажа како поповолен за домаќините.

По максималните 4 негатива кои ги имаше Металург во првиот дел, сепак тимот од Автокоманда на неколкупати се враќаше, па на полувремето заминаа само со 1 гол негатива, односно 18:17.

Контролата на мечот несомнено во вторите 30 минути ја имаше Мешков Брест кој создаваше разлика. По максималните осум гола предност, сепак на крајот домаќинот славеше со 5 погодоци, односно 35:30.

Во таборот на Металурзите најпрецизен беше Кузмановски со постигнати осум погодоци.