![](https://sportski.mk/wp-content/uploads/2024/05/Screenshot-2024-05-03-101348-850x491.jpg)
Како што пренесува „ЕСПН“ Анхел Ди Марија би можел да биде нов соиграч на Лионел Меси во Мајами.
„Ди Марија сериозно преговара со Мајами и можеби ќе стане член на тој тим веќе во јули. На Фиде (прекар Ди Марија) му се допаѓа таа опција“, изјави новинарот на ESPN, Парадизо.
Лига Нации: Се освен прво место ќе биде катастрофа за Македонија! ↓↓↓
На Ди Марија договорот со Бенфика му истекува на крајот од сезоната и најавите засега се дека нема да биде продолжен.
Ди Марија и Меси долги години се соиграчи во репрезентацијата на Аргентина, со која го освоија Светското првенство во 2022 година.
Интересно е тоа што Ди Марија отсекогаш имал голема желба да игра со Меси и на клупски план, а уште додека играше во Реал Мадрид заедно со Кристијано Роналдо не криеше дека за него Меси е најдобриот фудбалер во светот.