На Леброн му се исполни големата желба: Ќе игра во ист тим со својот син

Брони, синот на Леброн Џејмс по многу контроверзии е избран како 55. пик на НБА драфтот.

Имено, агентот Рич Пол на сите клубови освен на Лејкерс и Феникс им испратил порака да не го избираат Брони. Наводно, тој ги предупредил дека ако го изберат, следната сезона ќе игра во Австралија.

Јасно беше дека Лејкерс ќе бираат како 55. и тоа место се чуваше токму за Брони. Играњето во ист тим беше голема желба за Леброн, а сега ќе му се исполни. Ова ќе биде и прв случај татко и син да играат во ист клуб.

Сепак, прашање е колку навистина Брони има квалитет за да го носи дресот на Лејкерс бидејќи е висок 186 сантиметри, а минатата година имаше аномалија на срцето и паузираше одреден период.

Ќе потсетиме, изминатата вечер се одржа втората рунда на драфтот и се избираа кошаркари од 31. до 58. пик.