На докторот и сестрата кои се грижеле за Марадона им се заканува затворска казна

Легендарниот Диего Армандо Марадона почина минатата година и тоа го потресе целиот фудбалски свет.

По неговата смрт беше отворена истрага за расветлување на случајот, а сега се објавени и нови детали според кои докторите би можеле да добијат затворска казна.

Резултатот од дополнителниот извештај за смртта на Марадона ќе се достави до аргентинското обвинителство, а медиумите во Аргентина пишуваат дека личниот доктор на Марадона Леополдо Луке и медицинската сестра Агустина Косачев направиле голема грешка.

Извештајот покажал дека Марадона починал од срце и хронични проблеми кои ги има лсо бубрезите и црниот дроб. Како што се наведува докторите не посветиле доволно внимание во текот на рехабилитацијата и тоа предизвикало смрт кај легендарниот фудбалер.

Низ медиумите се шпекулира дека за таквиот однос двајцата би можеле да бидат обвинети како за уб*ство и им се заканува затворска казна од 8 до 25 години.