Најскапото промашување на Барса побара да замине од „Камп Ноу“

Португалскиот репрезентативец Андре Гомеш побарал трансфер од челниците на Барселона после доаѓањето на Филипе Кутињо, пренесуваат шпанските медиуми.

Гомеш оваа сезона одигра само девет натпревари и на теренот помина само 258 минути, а со доаѓањето на Кутињо јасно е дека неговата минутажа додатно ќе се намали.

Ако гледаме од финансиски аспект, Гомеш моментално е еден од најскапите резерви во светот. Тој пристигна на „Камп Ноу“ во 2016 година од Валенсија за 35 милиони евра плус додатни бонуси.

Барселона е спремна да му ја исполни желбата на 24-годишниот играч за врска, но за неговата слобода бара 25 милиони евра. Наводно најсилен интерес во моментов покажува Тотенхем, кој е спремен да плати 20 милиони евра.

SPORT reports that Spurs target Andre Gomes has requested to leave Barcelona this window. #COYS pic.twitter.com/peaXtmyGuk

— The Lane Bleeds News (@TheLaneBleeds) January 9, 2018