Најдобрата македонска ракометарка има нов клуб!

Најдобрата македонска ракометарка Сара Ристовска на крајот од оваа сезона ќе си замине од ЦСК Москва.

Ристовска се одлучи за нов предизвик во кариерата и ја прифати понудата од романскиот Рапид Букурешт.

„Сара Ристовска од следната сезона во Рапид. Десното крило има 39 настапи за Македонија на кои постигна 181 гол“, објави Рапид.

Дресот на ЦСКА, Ристовска го носеше од 2019 година, а сезонава успеа да стигне до двојна круна во рускиот ракомет. Покрај ЦСКА претходно во кариерата Ристовска настапуваше за Металург и Вардар во Македонија и Крим од Словенија.