Најголемата неправда на квалификациите – Ги победија сите девет натпревари, а им се заканува бараж

Ја победија сензацијата на минатогидишното Европско првенство со 5:2 во предпоследното коло од квалификациите за СП. Во првото коло со 2:0 го победија и актуелниот шампион на Европа.

Славеа и во сите останати седум натпревари од квалификациската група, но на Швајцарија ниту вчерашната победа над Унгарија, ниту онаа над единствениот конкурент Португалија, не им беа доволни за коло пред крајот да го осигураат првото место и да обезбеди директен пласман на СП.

Покрај тоа, ако за три дена загуби против Португалија, поради подобрата гол разлика на Португалија (+26/18), натпреварувањето во групата ќе го заврши како второпласирана и без оглед на тоа што ќе имаат минимално огромни 27 бода, ќе мораат да играат дополнителни квалификации.