Надал отпатува за Лондон, но неговиот настап е неизвесен

Шпанскиот тенисер Рафаел Надал отпатува во Лондон на завршниот турнир, но неговиот настап на турнирот се уште е неизвесен.

Надал го предаде без борба мечот од полуфиналето во Париз против Шаповалов, поради болки во стомачните мускули.

Шпанецот ќе тренира во четврток и петок со акцент на сервисот, а неговиот тим се надева дека ќе може да заигра на турнирот.

Доколку тоа не се случи, тогаш на негово место ќе настапи деветтиот тенисер во светот, Роберто Баутиста Агут.

Да потсетиме, завршниот турнир во Лондон ќе се игра од 10 до 17 ноември.