Навивачите на Баерн бесни поради новиот дрес: Ја загрозувате клупската историја!

Минатиот викенд фудбалерите на Баерн го совладаа Волфсбург со резултат 2:0, а навивачите на минхенскиот гигант беа револтирани од изгледот на новиот дрес за следната сезона, кој беше претставен на тој натпревар.

„Адидас“ на почетокот на овој месец го објави изгледот на новиот дрес на Баерн за следната сезона, а тој воопшто не им се допадна на навивачите.

Фудбалерите на Баерн играа со новите дресови против Волфсбург и веројатно во клубот не очекуваа дека овој дрес толку ќе ги разочара навивачите.

Имено, за прв пат во историјата на Баерн нема бела боја на новите дресови. Тоа ги налути навивачите на Баерн кои сметаат дека луѓе од управата на клубот на тој начин ја загрозиле клупската историја.

„Клупските бои се црвено-бели“ и „Клупските бои се недопирливи“, се паролите што беа закачени на јужната трибина на „Алијанц арената“.

Дури и коментарите на навивачите за изгледот на дресовите се негативни, пред се затоа што дресот повеќе изгледа како да му припаѓа на Баер Леверкузен отколку на Баерн

'The club colours are red and white' – Bayern Ultras protesting the new home kit [📸 @AZ_Strasser] pic.twitter.com/7AcwYJIIhs

— Bayern & Germany (@iMiaSanMia) May 12, 2024