Мурињо: Кој е повреден во Ливерпул? Само Ван Дајк

Тренерот на Тотенхем Жозе Мурињо го најави дербито на првиот дел од сезоната во Премиер лигата против Ливерпул и ја коментираше ситуацијата со повредите во двата тима.

„Црвените“ во текот на целата сезона имаат проблеми со повредите бидејќи и на листата повредени се: Ван Дајк, Џо Гомез, Жота, Алкантара, Наби Кеита, Милнер, Шаќири и Констатинос Цимикас. Меѓутоа Мурињо поинаку гледа на работите.

„Мислам дека Алисон не е повреден. Арнолд не е повреден. За Матип верувам дека ќе игра. Фабињо не е повреден, Робертсон не е повреден. Хендерсон и Ванијладум не се повредени. Салах исто. Фирмино не е повреден, Мане не е повреден. Ван Дајк е повреден и тој е одличен играч. Погледнете го списокот на повредени во Ливерпул и споредете го најдобриот тим. Во Ливерпул во овој момент проблем е само повредата на Ван Дајк“, порача Жозе.

Натпреварот помеѓу Ливерпул и Тотенхем се игра денес во 21:00 часот.