Мората: Заминувам од Атлетико, ќе се приклучам на Милан

Шпанскиот напаѓач Алваро Мората потврди дека негова следна дестинација ќе биде екипата на Милан.

По изглегувањет од тренинг центарот на Атлетико, Мората во изјава за новинарите најави дека по медицинските прегледи ќе потпише договор со Милан и трансферот е веќе договорен.

„Ќе треба да ги минам медицинските тестови, но да, ќе се приклучам на Милан. Се збогував со соиграчите, Симеоне, челниците на Атлетико… Подобро е да заминеш кога мислиш дека немаш што повеќе да понудиш. Го освоив Европското првенство како играч на Атлетико Мадрид“, изјави Мората.

Во Милан Мората пристигнува за 13 милиони евра и навивачите го сметаат за солидно засилување со оглед на сумата. Мората има и искуство во италијанскиот фудбал бидејќи на двапати го носеше дресот на Јувентус.