Модриќ: Се смееме кога луѓето зборуваат дека имаме среќа

Ѕвездата на Реал Мадрид, Лука Модриќ пред реванш полуфиналниот натпревар со Манчестер Сити изјави дека целта е пласман во финалето.

Модриќ истакна дека неговиот тим заслужено е на тоа место и дека е смешно тврдењето дека тимот има среќа.

„Се смееме на луѓето кои тврдат за нас дека имаме среќа. Воопшто не ни е грижа што зборуваат. Победувавме многу силни противници и освоивме многу трофеи, тоа не може да биде среќа“, изјави 36-годишниот плејмејкер.

„Утре е најважниот натпревар во сезоната. Јасно ни е дека треба да се справиме најдобро во сите аспекти: во одбрана, напад…Важно е да ја оствариме целта и да се пласираме во финале“, додаде Модриќ.