Младиот голман му постави ултиматум на Солскјер: Дозволи ми да играм или ме продај!

Дин Хендерсон зад себе има одлична сезона која како позајмен играч од Манчестер Јунајтед ја помина во Шефилд Јунајтед.

Сега се враќа во Манчестер Јунајтед и нема намера да седи на клупата, особено што Де Геа повторно прави голем број на грешки.

Ситуацијата околу изборот на голман ја следи Лампард, кој подготвува понуда за младиот Хендерсон доколку Солскјер не сака да му даде шанса да игра.

Така, тренерот на Манчестер Јунајтед се најде во незавидна ситуација. Де Геа претходната година потпиша нов шестгодишен договор вреден 117 милиони.

Хендерсон му постави ултиматум на Солскјер. Тој сака да биде прв избор следната сезона или да биде продаден, а изборот го остави на тренерот.