Милан тргна во офанзива по новата белгиска ѕвезда

„Газета дело Спорт“ пренесува дека Милан ги започнал преговорите за ѕвездата на Клуб Бриж и белгиски репрезентативец, Чарлс Де Кетелар.

21-годишниот Де Кетелар важи за еден од најголемите европски таленти, оваа сезона блесна во дресот на Клуб Бриж.

Белгиецот постигна 18 гола и 10 асистенции и го привлече вниманието на многу европски гиганти, а веќе го добие епитетот „новиот Де Брујн“.

Де Кетелар е примарна трансфер цел на „росонерите“ кои веќе започнале преговори со Клуб Бриж, кој за слободата на својата ѕвезда бара 30 милиони евра.

Милан испратил понуда од 25 милиони евра, која била одбиена, но преговорите продолжуваат, а „Газета дело Спорт“ открива дека „росонерите“ се спремни да испратат нова понуда од 30 милиони евра.

„Росонерите“ веќе имаат договор со Бегиецот, кој треба да биде новата „десетка“ и ќе потпише 5-годишен договор.