Милан започна преговори за „новиот Виеира“

Милан веќе размислува за засилувања за следната сезона, а прв на листата е ѕвездата на Ајакс, 20-годишниот играч за врска, Рајхедли Базур.

Како што пренесуваат холандските медиуми двете страни се во поодминати преговори, а трансферот би требало да изнесува 22 милиони евра.

„Во постојан контакт сме со директорите на Милан и можам да кажам дека преговорите се веќе од поодамна започнати“, изјави за „Телеграф“ агентот на Базур.

Овој фудбалер во Холандија го споредуваат со Патрик Виеира, бидејќи по стилот на игра премногу наликува на славниот Французин, кој своевремено беше член и на Милан.

За Базур инетрес покажуваат многу европски гиганти како Барселона, Манчестер Сити, Арсенал и Борусија Дортмунд, но Милан е најконкретен.

Базур игра одлично во дресот на Ајакс, а минатата година дебитираше и за холандската репрезентација.