Мбапе во Реал ќе заработува помалку од ПСЖ

Килијан Мбапе на лето речиси сигурно ќе се пресели во Реал Мадрид и тоа како слободен агент.

Последните информации се дека Реал Мадрид и Мбапе ги договариле последните детали и Французинот на лето ќе се пресели на „Сантиаго Бернабеу“.

„АС“, открива што побарал Мбапе од Реал за да го потпише договорот.

„Дознаваме дека бројките на кои инсистира францускиот капитен во Реал се значително помали од оние што ги има во Париз, но сепак се баснословни. Мбапе од Реал бара 120 милиони евра само за потпис на договорот.Понатаму бара годишна плата од 50 милиони евра бруто, тоа е 25 милиони евра нето. Конечно, тој бара и серија бонуси поврзани со бројот на голови, освоени индивидуални и тимски трофеи, а најмногу оние поврзани со употребата на имиџот“.