Мартинез за глупоста со „Златната ракавица“: Тоа е единствената работа на која не сум горд

Aргентинскиот голман, Емилијано Мартинез иако беше херој на Мундијалот во Катар, сепак многу се зборуваше и за неговиот непримерен потег со признанието за најдобар голман на турнирот.

Мартинез сосема заслужено ја доби „Златната ракавица“ бидејќи беше одличен во текот на целиот Мундијал, а во финалето одбрани ситуација „еден на еден“ со Коло Муани во 121-та минута.

Сега Мартинез порача дека се кае за таквиот потег.

„Кога ќе размислам и денес, верувам дека не требаше да го направам тоа. Тоа е единствената работа на која не сум горд. Направив глупост, но го направив тоа и на Копа Америка.

Пред Светското првенство пријател ми кажа дека не очекува повторно да направам такво нешто, меѓутоа јас никогаш не се грижам што велат другите. Сепак, после критиктие кои ги добив размислив…Жалам и како што кажав тоа е единствената работа на која не сум горд“, порача Мартинез.