Марота ги успокои фановите на Интер за „случајот Икарди“

Извршниот директор на Интер, Бепе Марота ја коментираше победата од 6:2 против Беневенто во Купот, натпрвар кој се играше пред празни трибини поради казната на „нероаѕурите“.

Марота пред новинарите ја коментираше и ситуацијата со капитенот Мауро Икарди кој одбива да го продолжи договорот со Интер.

„Им кажав на фановите на Интер да бидат спокојни што се однесува до новиот договор со Икарди. Не треба да се зборува безпотребно. Такви нешто се нормални во фудбалот, особено кога договорите на играчите истекуваат“, истакна Марота.

„Не мислам дека ќе има проблем. И двете страни имаат желба да ја продолжат соработката и заедно да одат напред“, додаде директорот на „нероаѕурите“.