„Марка“: Јувентус ја плаќа клаузулата за Н’Зонзи

Шпанските медиуми пренесуваат дека Јувентус во зимскиот преоден рок сака да го донесе играчот за врска на Севиља, Стивен Н’Зонзи.

Н’Зонзи игра фантастично во дресот на Севиља и го привлече вниманието на многу европски гиганти, но најсериозен интерес покажува италијански Јувентус.

„Марка“ тврди дека раководството на „старата дама“ е спремно во зимскиот преоден рок да ја активира откупната клаузула на ирачот која изнесува 30 милиони евра и да го донесе Н’Зонзи во Торино.

Јувентус е во потрага по квалитетен играч за врска, а Алегри смета дека Н’Зонзи ќе биде перфектен за неговиот стил на игра бидејќи е поливалентен фудбалер кој може да игра на повеќе позиции во средниот ред.

Проблем за „бјанконерите“ може да биде само големата конкуренција бидејќи фудбалерот е на радарот на Барселона, Челзи и Манчестер Јунајтед.