Манџукиќ не патува во Фиренца, го напушта Јувентус

Напаѓачот на Јувентус, Марио Манџукиќ наскоро ќе го напушти клубот и кариерата најверојатно ќе ја продолжи во Катар.

Хрватот не влегува во плановите на новиот тренер Маурицио Сари и нема да биде пријавен за настап во Лигата на шампиони.

Во текот на целото лето имаше шпекулации за трансфер на 33-годишниот напаѓач, но тој остана во Торино. Меѓутоа, сега има шанси Манџукиќ да ја прифати понудата од Блискиот Исток.

Трансферите во Катар се отворени до крајот на септември, а неколку клубови се заинтересирани за хрватскиот напаѓач.

Последните информации кои доаѓаат од Апенините тврдат дека Манџукиќ не е повикан за денешниот натпревар против Фиорентина, што е јасен знак дека Хрватот е на излезна врата.