Дома Фудбал Англија Мане уште еднаш ја покажа хуманата страна: Гради болници во Сенегал

Мане уште еднаш ја покажа хуманата страна: Гради болници во Сенегал

Садио Мане важи за еден од најголемите хуманитарци меѓу фудбалерите и веќе подолго време големи средства донира во својот роден Сенегал.

Мане претходно помагаше во изградба на училишта и модерницазија на разни објекти од општествен интерес во Сенегал, а сега поради пандемијата планира да финансира изградба на болници каде би се лечеле заболените од Ковид-19.

Бјорн Беземер, агент на фудбалерот од Сенегал, потврди дека на барање на Мане веќе започнала изградбата на болницата, додавајќи дека цената ќе биде околу 3,5 милиони американски долари, и дека сите ќе бидат покриени од фудбалерот на Ливерпул.

„Садио Мане сака да го модернизира местото во кое е роден. Тој претходно таму изгради средно училиште“, рече Беземер, додавајќи дека Мане е на секој начин гордост на родниот град и на целата земја.

Тој додаде дека болницата, откако ќе заврши, ќе обезбеди услуги за граѓаните од поширокиот регион.

Коментари
Advertisements
Прочитајте поврзани статии
Load More In Англија

Проверете

Составен најсилниот тим на Барселона на сите времиња: Што би промениле? (ФОТО)

Да се состави најсилен тим на Барселона во историјата е навистина тешка задача со оглед на…