Македонски голман ќе брани во Португалија!

Васко Василев е еден од најголемите македонски голмански таленти, сега кариерата ја продолжува во португалски Рио Аве.

Василев има само 18 години и брани за тимот до 19 години, а ќе биде втор голман на екипата на Рио Аве до 21 година. Секако дека за него ова е голем чекор напред во кариерата.

Потекнува од младинската школа на Варадар, меѓутоа по падот на црвено-црните се пресели во Динамо Врање од каде што потпиша за Црвена Звезда летото 2019 година. Беше испраќан на позајмици во Графичар и Рад Белград.

Кога се репрезентациите на Македонија во прашање бранеше за селекциите до 15 и 17 години, а во овој момент е член на У18 репрезентацјата.