Лоши вести за Чемберс и Арсенал

Фудбалерот на Арсенал, Калум Чемберс поради повреда ќе мора да паузира од шест до девет месеци, соопштија денес од „Емирати“.

Дефанзивецот го повреди левото колено на натпреварот против Челзи, а Арсенал денес потврди дека операцијата е извршена успешно и дека следи повеќемесечна пауза.

Ова е голем проблем за тренерот Артета, кој ќе мора да интервенира на трансфер пазарот за да ја засили одбраната.

Покрај Чемберс надвор од тимот поради повреда се уште Хектор Белерин и Мартинели, а на натпреварот против Вест Хем се повреди и Киран Тирајни.