Лоши вести за Монако: Се повреди Головин!

Новата аквизиција на Монако, Александар Головин заработи повреда и ќе биде надвор од терените најмалку еден месец, пренесоа руските медиуми.

Монако преку својот официјален профил потврди дека Головин на денешниот тренинг го повредил глуждот на десната нога и дека утре ќе му бидат направени детални прегледи.

Головин блесна на Мундијалот и за 30 милиони евра од ЦСКА Москва трансферираше во Монако, како најголемо засилување на клубот од „кнежевството“ ова лето.

Поради тоа отсуството на Головин со сигурност ќе биде голем удар за Монако, кој сезоната ја започнува викендов со гостувањето против Нант.

? Aleksandr Golovin souffre d’une entorse de la cheville droite contractée ce jour à l’entraînement. pic.twitter.com/nptD7jeoKt

— AS Monaco ?? (@AS_Monaco) August 8, 2018