Ловрен во Ливерпул го плаќа „данокот“ за освоеното сребро во Русија

Уште минатата сезона, Дејан Ловрен имаше проблем исо повредата, но можеше да игра, Но, со оглед дека на Светското првенство три пати играше по 120 минути за Хрватска неговата состојба се влошила.

Јирген Клоп по вчерашниот натпревар против Вест Хем кој „црвените“ го добија со 4:0 изјави дека хрватскиот репрезентативен стопер, Дејан Ловрен не настапил во тој натпревар поради повреда која ќе го одвои од терените уште две до три недели.

„Дејан не е спремен. Уште минатата сезона имаше мали проблем исо повредата, но можеше да игра и играше навистина добро. Но, со оглед дека на Светското првенство играше три пати по 120 минути за Хрватска неговата состојба се влоши. Сепак, ситуацијата не е толку страшна и прилично сум сигурен дека се ќе се среди во следните две до три недели“, изјави Клоп.

Ќе потсетиме, Ловрен беше стандарден член на репрезентацијата на Хрватска со која стигна до второто место на Мундијалот во Русија.