Легендата на Реал: Попрво би го довел Мбапе, отколку Нејмар

Поранешниот фудбалер и легенда на Реал Мадрид, Хорхе Валдано испрати порака до таборот на својот поранешен клуб.

Имено, после информациите дека Реал Мадрид е заинтересиран за Нејмар кои кружат веќе долго време.

Според Валдано, Нејмар не треба да е приоритет на „кралевите“.

„Нејмар има голем квалитет, а покрај тоа сигурно би бил полн погодок на маркетинг полето. Но, сепак кога јас би се прашувал предност би му дал на Французинот, Килијан Мбапе според мене тој би бил огромна инвестиција за иднината. Тој е шест години помлад од Нејмар, а веќе сега поседува неверојатни квалитети“, изјави Валдано кој потоа Мбапе го спореди со „стариот Роналдо“.

„Со своите квалитети ме потсетува на Роналдо, во следната деценија тој ќе биде еден од најдобрите во светот“, заврши легендата на Реал Мадрид.