Ла Лига има план: Не е праведно сега да прогласиме шампион

Во Ла Лига инсистираат на завршување на сезоната.

Како што беше потврдено претходно денес европските шампионати ќе продолжат. УЕФА го одложи Европското првенство за да ослободи термини за националните првенства.

По ваквата одлука во јавноста се олгаси Претседателот на фудбалскиот сојуз на Шпанија, Луис Рубиалес.

„УЕФА на сите ни порача дека првенствата треба да завршат, ако може до 30. јуни, но не е исклучено некои да потраат и подолго. Нашиот план е да продолжиме со натпреварувањето во Ла Лига. Не би било праведно да се прогласи шампион според актуелната ситуација, а уште помалку да ја поништиме сезоната. Исто така, немаме датум за финалето во купот, но сакаме тоа да се игра со навивачи. Размислуваме да се игра на 31. мај“, изјави Рубиалес.

Во овој момент Барселона е лидер со 58 бодови, Реал Мадрид има 56.