Лапорта по освоената титула: Правиме се за да го вратиме Меси!

Барселона вчера ја освои титулата во Ла Лига на која чекаше четири години, ова беше прва титула за Чави како тренер на Каталонците.

Титулата Барселона ја обезбеди со победата против Еспањол од 4:2, а секако среќен беше и Лапорта.

„Ја заслуживме оваа титула. Економски го спасивме клубот и ја вративме радоста на навивачите. Бускетс заминува како шампион во Ла Лига и секогаш ќе биде дел од нашите срце, тој е важен дел од историјата на Барселона. Воопшто не е лесно да ја освоите Ла Лига, им честитам на играчите и стручниот штаб. Чави одигра клучна улога“, порача Лапорта.

Овие денови многу се пишува за враќање на Меси, па Лапорта доби и такво прашање.

„Ќе направиме се што можеме за да го вратиме Лео“, одговори првиот човек на Барселона.