Кјелини не ја отфрла можноста да игра и по наредната сезона

Искусниот дефанзивец на Јувентус, Џорџо Кјелини не ја отфрла можноста да игра и по наредната сезона.

Тој скоро сигурно останува во редовите на Старата дама уште една година иако договорот му истекува ова лето.

Сепак, преку вклучување на Инстаграм во живо не ја отфрли можноста дека и после новата сезона може да продолжи да игра.

„Ќе играм уште една сезона, а потоа ќе видам како се чувствувам. Можам да се опростам следното лето, а можам по неа да одиграм уште една.“ – рече Кјелини.

Исто така додаде дека се надева дека ќе може да игра и на ЕП кое е одложено за следното лето.

Инаку, овој 35-годишен фудбалер е член на Јувентус уште од 2005. година, кога пристигна од Фиорентина. Оваа сезона имаше големи проблеми со коленото и одигра само три натпревари во Серија А.