Куртоа се повреди, Реал остана без голмани

Голманот на Реал Мадрид, Тибо Куртоа го напушти лагерот на белгиската репрезентација поради повреда, пренесуваат шпанските медиуми.

Станува збор за лесна мускулна повреда, но белгиската репрезентација не сака да презема ризик и поради тоа го ослободи Куртоа од репрезентативните обврски.

Куртоа веднаш ќе се врати во Мадрид, а „кралевите“ се надеваат дека голманот ќе биде спремен за следниот меч на 17-ти октомври.

Резервниот голман на Реал, Андриј Лунин е позитивен на коронавирус, што ја усложнува ситуацијата на „кралевите“.