Куман преку телефон се ослободил од Суарез!

Новиот тренер на Барселона, Роналд Куман започнал со чистката тимот.

„Марка“ повикувајќи се на каталонското радио „Рац 1“ објави вест дека Куман утрово го побарал Суарез и преку телефон му соопштил дека повеќе не смета на него.

На одличниот напаѓач сега му преостанува да пронајде решение и начин на кој ќе ја напушти Барселона бидејќи има само уште една година од договорот. Каталонските медиуми и претходно најавуваа големи промени кои сега започнуваат. Суарез очигледно е првата жртва од играчкиот кадар на новата клупска политика.

Останува да се види и како овој потег ќе влијае на Меси со оглед дека на сите им е добро познато дека Меси и Суарез се одлични пријатели надвор од теренот. Треба да се спомене и дека оваа вест доаѓа само неколу дена по изјавата на Суарез во медиумите дека никој од клубот не му соопштил дека не е потребен, сега изгледа се случило и тоа.

Ќе потсетиме 33 годишниот напаѓач во Барселона пристигна во 2014 година и на 283 натпревари постигна 198 гола.