Дома Фудбал Куман: Повеќе размислувам на Барселона отколку на себе

Куман: Повеќе размислувам на Барселона отколку на себе

Tренерот на Барселона, Роналд Куман (58) сака долги години да работи во каталонскиот клуб.

Холанѓанецот во август минатата година седна на клупата на Барселона на местото на Кике Сетиен, но игрите на Барселона под водство на 58-годишниот стратег не беа импресивни.

Сепак, раководството на клубот ова лето одлучи да му даде поддршка и се најавува дека Куман би можел да ја продолжи соработката и после летото 2022 година.

„Јас сум човек на клубот. Размислувам на Барселона повеќе отколку на себе. Би сакал да останам тука долги години и да ги водам новите генерации кои доаѓаат. Благодарение на одлуките кои ги донесовме Барса има светла и иднина и се надевам дека ќе бидам тука во наредните три, четири или пет години“, изјави Куман.

Куман ја водеше Барселона вкупно на 57 натпревари и има учинок од 36 победи, 11 порази и 10 нерешени натпревари.

Коментари
Прочитајте поврзани статии
Load More In Фудбал

Проверете

Лацио му го нанесе првиот пораз на Интер🎥

Лацио и Интер одиграа возбудлив натпревар на „Олпимпико“, домаќините со пресврт дојдоа до …