Куман му поставил услов на Лапорта, бара поголема власт

Жоан Лапорта и официјално ја презеде претседсателската функција во Барселона и во моментов му гарантира на Куман дека ќе остане на кормилото на тимот.

Тоа стана јасно после вчерашната средба помеѓу нив двајцата на која присуствувале уште спортскиот директор Матеу Алемани и техничкиот директор Рамос Планес.

Раководството изразило задоволство од работата на Куман, иако Барса лошо ја отвори сезоната, но во последно време игра одлично и заостанува само 4 бода зад лидерот Атлетико.

Холанѓанецот пак за време на состанокот поставил свои услови и бара да има поголема моќ на одлучување кога се трансферите во прашање, соопштува „Мундо Депортиво“.

Минатото лето кога пристигна Куман бараше да му бидат донесени двајцата фудбалери, но раководството не му ги исполни желбите.