Кузма со тројка во последната секунда донесе победа за Лејкерси ?

Кошаркарите на ЛА Лејкерси во одличен натпревар го победија Денвер со 124:121.

Лејкерси веќе од претходно го имаат обезбедено првото место во Западната конференција, но продолжија со добра игра и не си дозволија премногу да се опуштат. Денвер пружи добар отпор и беше блиску до победата, сепак на крајот мораше да се помират со поразот.

Од самиот почеток на натпреварот гледавме изедначена броба и никој не направи некоја голема предност. Лејкерси после првата четвртина водеа со 31:25 додека на одмор се замина со 64:59 за Џејмс и друштвото.

Started the game. Ended the game. #KuzControl for the win. pic.twitter.com/hxkvt2oWYE

— Los Angeles Lakers (@Lakers) August 11, 2020

Но, Денвер во третата четвртина врати се на почетокот и успеа да дојде до егал завршница. Сепак последниот напад во натпреварот го имаа Лејкерси, а тројка за победа постигна Кузма.

Во екипата на Лејкерси се истакна Леброн со 29 поени и 12 асистенции додека Ентони Дејвис додаде 27 поени, шест скока и пет асистенции. Херој на овој натпревар, Кузма уфрли 25 поени.

Кај Денвер најефикасен беше Џозиер со 18 поени, додека Никола Јокиќ одигра скромен натпревар и уфрли 12 поени.