Кудуз: Алборг ќе сака да ни се реваншира за поразот во Скопје

Aнте Кудуз после паузата поради повреда се врати во тимот на Вујовиќ и ќе биде во ростерот за утрешниот натпревар со Алборг на гостински терен.

Во минатото коло Вардар беше поразен од Монпелје дома, а хрватскиот бек смета дека таа „шплакница“ може да донесе нешто позитивно.

„Алборг сигурно ќе сака реванш за поразот во Скопје. Ние доживеавме еден „ладен туш“ против Монпелје и можеби таа „шлканица“ ќе донесе нешто позитивно, ќе биде причина да се разбудиме. Натпреварот утре сигурно ќе биде различен од оној во Скопје. Верувам дека сега се подобро подготвени, а и ние знаеме добро како играат. Поради тоа не очекувам многу тактички изненадувања“, изјави Кудуз.

Натпреварот помеѓу Вардар и Алборг се игра утре од 18:45 часот, а Вардар ќе биде без Борко Ристовски кој пријавил здравствени проблеми.

Фото: РК Вардар