Крај на спектакуларната кариера: Федерер објави дека се пензионира!

Еден од најдобрите тенисери на сите времиња, Роџер Федерер, потврди дека се повлекува од тенисот!

Освојувачот на 20 Грен слем титули потврди дека Лејвер купот ќе биде последниот турнир на кој ќе игра професионално и дека после тоа заминува во пензија.

„Како што повеќето од вас знаат, изминатите три години ме соочија со бројни предизвици во форма на повреди и операции. Работев многу напорно за да се вратам во натпреварувачка форма. Но, јас цело време знаев дека моето тело има ограничувања и пораката што ми ја испраќа во последно време е многу јасна. Имам 41 година. Одиграв повеќе од 1.500 натпревари во кариерата во овие 24 години. Тенисот се однесуваше со мене повеќе од добро, подобро отколку што можев да сонувам, и морам да разберам и да препознаам кога е време да ја завршам мојата натпреварувачка кариера“, гласи објавата на Федерер.

To my tennis family and beyond,

With Love,
Roger pic.twitter.com/1UISwK1NIN

— Roger Federer (@rogerfederer) September 15, 2022