Кој ќе ја добие наградата за „Најдобар фудбалер“ според ФИФА?

Вечерва во 20:30 часот по наше време започнува церемонијата за врачување на наградите на ФИФА за најдобрите од изминатата година.

Кристиано Роналдо е најголем фаворит да биде избран за најдобар фудбалер во 2017 година. Португалецот и минатата година ја доби оваа награда, а една година покасно се очекува повторно да ги остави зад себе Лео Меси и Нејмар.

Во гласањето учествуваа селекторите и капитените на националните тимови како и претставници на медиуми и фанови.

На церемонијата во Лондон денес ќе бидат уште доделени нагрдите за најдобра фудбалерка, најдобриот тренер, најдобриот гол и најдобрите навивачи.

Тројцата финалисти за наградата се Кристиано Роналдо, Лионел Меси и Нејмар, а уште 21 фудбалер ќе конкурират во изборот за најдобриот тим на годината.