Коронавирусот повторно: Две ѕвезди на Баерн отпаднаа од германската репрезентација!

После подолго време коронавирусот повторно прави проблеми во фудбалот, овој пат тоа е случај во репрезентацијата на Германија.

Капитенот на Баерн Минхен и германската репрезентација Мануел Ноер, како и неговиот клупски колега Леон Горецка ќе го пропуштат овој циклус натпревари од Лигата на Нации поради коронавирусот.

Двајцата фудбалери на Баерн добиле позитивни тестови пред почетокот на тренинзите со репрезентацијата и веднаш биле отстранети и изолирани од останатите репрезентативци.

Останатите во германската репрезентација можеле да продолжат со тренинзите откако добиле негативни тестови. Селекторот Ханси Флик како замена за Ноер го повик Оливер Бауман, додека не се реши да повикува друг играч на местото на Горецка.