Консеисао: Ќе му направиме проблеми на Јувентус

Тренерот на Порто, Серџо Консеисао верува дека неговиот тим може да му создаде проблеми на Јувентус во осминафиналето од Лигата на шампиони.

„Ќе му создадеме проблеми на Јувентус, тоа е нашата ДНК. Имаме победнички менталитет независно против кого играме. Работите можат да се променат за време на мечот, но ние одиме на победа“, изјави Консеисао, кој потоа даде коментар за Кристиано Роналдо.

„Кристиано може да го реши секој меч во секој момент, бидејќи е неверојатен фудбалер. Нема сомнеж дека е најдобар во светот. Треба да бидеме компактни, солидни и сплотени, бидејќи Јувентус има и други големи фудбалери“, изјави Португалецот.