Коло Муани: Мбапе не гледа ништо поради маската

Напаѓачот на Франција, Рандал Коло Муани застана во одбрана на Мбапе и изјави дека воопшто не му е лесно поради маската.

Мбапе има дадено само еден гол на ЕП и тоа од белата точка, а дефинитивно се очекуваше повеќе од еден од најдобрите фудбалери во светот.

Меѓутоа, Мбапе го скрши носот на првиот натпревар и од тогаш носи маска, а Коло Муани тврди дека му смета.

„Кога ја доби маската, можете да претпоставите дека ја пробав. Дури имам и слики со неа. Не се гледа ништо, навистина не се гледа. Сигурно е многу тешко да се игра со неа“, изјави Коло Муани.

„Првенството не е завршено, следуваат најтешките два натпревари, а Мбапе е најдобар кога е најпотребно“, заклучи Муани.