Киелини откри кој напаѓач му создава најмногу проблеми

Капитенот на Јувентус, Џорџо Киелини во интервју за италијанските медиуми откри кои двајца напаѓачи се најтешки за чување во казнетиот простор.

Без изненадување Киелини на првото место го стави неговиот соиграч Кристиано Роналдо, а на второто место е напаѓачот на Интер, Мауро Икарди.

Пред неколку дена Јуветус играше против Интер во Серија А, но овој пат Икарди не успеа да се запише во листата на стрелците.

„По мое мислење Икарди е вториот најдобар напаѓач во казнетиот простор, против кого сум играл. Успева да те хипнотизира. Треба да бидеш сконцентриран цело време, за да не направиш грешка. Познавам само еден кој е подобар од него, но оваа година тој игра во мојот тим“, изјави Киелини.

#Juventus captain Giorgio Chiellini names Mauro Icardi of #Inter as his toughest opponent – other than teammate Cristiano Ronaldo. https://t.co/dIZQS08k8j #FCIM pic.twitter.com/UaI3RRhIbH

— footballitalia (@footballitalia) December 13, 2018