Кариус ќе се жали во ФИФА: Сака веднаш да се врати во Ливерпул

Лорис Кариус е голман кој сигурно ќе остане запаметен по неговите грешки во финалето од Лигата на шампионите кога Ливерпул изгуби од Реал Мадрид.

Од тоа финале во 2018 година работите за Кариус тргнаа во надолна линија. Следуваше преминување во Бешикташ каде што пристигна на двегодишна позајмица. Турскиот гигант има право да го откупи неговиот договор, но како што стојат работите тоа нема да се случи.

Островските медиуми сега пишуваат дека Кариус би можел веднаш да се врати на „Енфилд“ бидејќи веќе испратил жалба до ФИФА затоа што Бешикташ не му исплатил неколку плати.

Овој 26 годишен голман се надеваше дека во Инстанбул ќе го пронајде мирот, меѓутоа тоа не се случи бидејќи правеше грешки на голот и во дресот на Бешикташ. До прекинот на актуелната сезона прими дури 46 голови.