Карагер: Сон не требаше да добие црвен картон

Во вчерашниот натпревар помеѓу Евертон и Тотенхем фудбалерот на домашната екипа Андре Гомеш заработи тешка повреда.

Португалскиот фудбалер доживеа фрактура на ногата поради која нема да го гледаме на теренот неколку месеци, а судијата Мартин Аткинсон после стартот покажа директен црвен картон на Сон.

Инаку, Сон имаше контакт со Гомеш кој подоцна несреќно настрада во дуелот со Орие, но очигледно Аткинсон не виде и Сон неоправдано беше исклучен.

Така смета и поранешниот стопер на Ливерпул, Џејми Карагер.

„Многу несреќен инцидент. Сон сакаше да го избегне, можете да видите и на снимката, тоа не е за црвен. Само клизна и се обиде да го запре, но ногата на Гомеш несреќно се заглави под ногата на Сон.“ – изјави Карагер и додаде:

„Орие дојде од спортивната страна и се судри со Гомеш, но ниту Сон ниту Орие не направија ништо за да се обвинат во оваа ситуација.“