Капело: Дибала би го сменил само со Хари Кејн

Легендарниот тренер Фабио Капело смета дека слабата форма на Пауло Дибала во Јувентус се должи на прележаниот коронаворус пред неколку месеци.

Дибала оваа сезона игра многу слабо и се уште не може да ја најде најдобрата форма, а има постигнато само еден гол.

„Дибала оваа сезона игра со многу осцилации, а причината е коронавирусот. Тој има неверојатни квалитети, се што е потребно за еден топ фудбалер. Формата може да ја врати само со тренинзи“.

„Кога не си во форма почнуваш да се бориш не само со противниците, туку и со соиграчите. Јас лично не би го трампал Дибала за Погба во Јувентус. Единствено би го сменил со Хари Кејн“, смета Капело.