Кабиб се огласи за можниот реванш со Мекгрегор!

Борбата помеѓу Кабиб Нурмагомедов и Конор Мекгрегор привлече огромно внимание од целиот свет и сите очекуваат овие двајца одново да влезат во кафезот.

Дагестанецот го победи Ирецот со гушење, а веднаш после завршувањето започна на големо да се зборува за можен реванш.

Конор на разни начини преку социјалните мрежи се обидуваше да го испровоцира Кабиб, но изгледа Нурмагомедов не е премногу заинтересиран.

„Конор не заслужува реванш. Зошто да му дадам шанса? Минатиот пат зборуваше се и сешто, но во кафезот на направи ништо“, изјави Нурмагомедов.

Ќе потсетиме и двајцата борци се уште ја чекаат казната за хаосот кој се случи после нивната борба.