Иџе и ограбен настапил на трката во Словенија

И покрај сите проблеми, македонскиот автомобилист Игор Стефановски – Иџе настапи на трката во Илириска Бистрица во Словенија каде го освои четвртото место.

Во текот на вчерашниот ден Иџе објави дека нема да настапи бидејќи му бил украден дел од алатот за промена гуми, а според временската прогноза се најавуваше дожд.

Сепак, дождот не заврнал, па Иџе настапил и на крајот го освоил четвртото место. На првата трка во Словенија заврши како третопласиран.

Следната трка Иџе ќе ја вози на Хрватска во градот Бузет.