Исчезнувањето на Сала променило се: Напаѓачи одбивале да преговараат со Кардиф после несреќата

Tренерот на Кардиф, Нил Ворнок се жали дека eден или двајца напаѓачи ги прекинале преговорите со велшкиот тим после трагедијата со Емилијано Сала.

Трагедијата која го потресе светот на фудбалот со исчезнувањето на Емилијано Сала откако потпиша договор со Кардиф донесе големи проблеми за клубот од Велс.

Како што тврди менаџерот, Нил Ворнок поради тоа што се случило со Сала еден или двајца играчи ги прекинале преговорите. Дали поради суеверие или нешто друго, фудбалерите ги прекинале преговорите.

„Еден или двајца напаѓачи со кои преговаравме не сакаа да ги продолжат преговорите после несреќата. Исчезнувањето на Сала промени се. Ова беже тежок преоден рок за нас“, изјави Ворнок.

Ќе потсетиме Сала беше најскапото засилување за Кардиф кој за него плати 17 милиони евра.