Историја во Чемпионшиш: Никој како Митровиќ!

Српскиот напаѓач Александар Митровиќ испиша нова историја во Чемпионшип.

Напаѓачот постигна нови два гола во победата над Лутон од 7:0, а со овој триумф Фулам го обезбеди првото место на табелата. Митровиќ стигна до 43. гол во сезоната и постави рекорд во Чемпионшип затоа што на ниту еден играч претходно не му успеало да дојде до оваа бројка.

Освојувањето на трофејот за Фулам не е се, тие станаа и првата екипа во историјата на Чемпионшип која постигнала 100 голови во сезоната.

Покрај Митровиќ кој постигна два гола во листата на стрелци се запишаа уште Карни, Тете, Карваљо, Рид и Сери.