Интер тргнува по Ерик Ламела

Италијанските медиуми пренесуваат дека Интер е сериозно заинтересиран за играчот на Тотенхем и аргентински репрезентативец, Ерик Ламела.

Спортскиот директор на „нероаѕурите“ Валтер Сабатини е голем љубител на играта на Ламела со кого соработуваше во Рома и сака да го донесе во Интер.

„Нероаѕурите“ бараат таков профил на играч, а поради потешкотиите да дојдат до потписот на Пасторе, сега ќе се насочат кон Ламела.

Аргентинецот не добива доволно минутажа во Тотенхем и не е задоволен од својот статус, па и тој самиот е спремен да ја промени средината.

Ламела пристигна во Тотенхем од Рома за 35 милиони евра, одлично ја познава Серија А и сигурно ќе биде големо засилување за „нероаѕурите“.