Иниеста: Ќе ме боли да го гледам Меси во ПСЖ

Денес Меси и официјално беше претставен во Париз како нов играч на ПСЖ.

Секако трансферот на Меси предизвика многу реакции во фудбалската јавност, а се огласи и поранешниот соиграч на Аргентинецот од Барселона, Андрес Иниеста.

„Не знам што се случувало меѓу Меси и Барселона и во што бил проблемот. Но, знам дека на Барселона ќе и треба подолго време да се опорави. Ќе бидам искрен, ме боли тоа што ќе го гледам во дресот на друг клуб. Лео е нешто кое потсетува на Барселона, беше се – човек, клуб! Во кариерата не сум сретнал играч како него и не верувам дека ќе сретнам во иднина“, изјави Иниеста.

Аргентинецот со ПСЖ потпиша договор на две години со опција истиот да се продолжи на уште една.